Drap kona si, men vil ha samvær med barn – no skal høgsterett behandle saka

Ei novembernatt i 2021 braut mannen seg inn gjennom soveromsvindauget til kona si i Molde, der han valdtok henne og drap henne med ei vektstong.

Deretter tok han seg inn i eit nabohus. Han blei også dømt for å ha forsøkt å drepe tre familiemedlemer i dette huset. Ein ung gut blei livstrugande skadd i angrepet.

Mannen blei dømd til lovas strengaste straff, og sit no i fengsel.

Men no vil Høgsterett ta stilling til spørsmålet om foreldreansvar, og om mannen skal få lov til å møte barnet sitt.

Høgsterett er den siste rettsinstansen i Noreg, og behandlar saker som vil kunne vere førande for liknande saker i retten seinare.