– Prisveksten har tatt seg opp og vore klart høgare enn venta. Set vi renta ned for tidleg, kan prisane fortsette å stige raskt. Derfor held vi renta uendra no, seier sentralbanksjef Ida Wolden Bache.
«Prisveksten har kome mykje ned frå toppen, men er framleis over målet. Høg vekst i bedriftene sine kostnader vil truleg bidra til å halde prisveksten oppe framover.»
Samstundes skriv Noregs Bank at dei ser føre seg to kutt i år.
Dette er i tråd med det dei fleste økonomar hadde venta på førehand.
9 av 12 bankar trudde at sentralbanken ville halde renta i ro, ifølgje ei oversikt frå TDN Direkt.
Tidlegare har Noregs Bank signalisert at dei ville senke renta i dag, men i det siste har tala i økonomien peika imot dette.
Prisane auka 3,6 prosent på eitt år, ifølgje SSB.
Noregs Bank har eit mål om at dette talet skal ligge på 2 prosent over tid.
Ein annan viktig faktor er at næringslivet ut til å vere positive og ha tru på gode tider. I tillegg er arbeidsløysa lågare enn sentralbanken tidlegare trudde den ville vere.
Desse faktorane tyder på at økonomien går godt og toler rentenivået.
Desse fem personane sit i rentekomitéen og bestemmer kva styringsrenta til Noregs Bank skal vere.
Foto: Sona Emilie Kibsgård Sillah / NRKPublisert 27.03.2025, kl. 10.00 Oppdatert 27.03.2025, kl. 10.05
English (US)