Oppdaga dette på kontrollen

– Sjåføren fekk bruksforbod og måtte fjerne bøffelhornet før vedkommande fekk køyre vidare. Å ha eit bøffelhorn i frontruta er ikkje lurt, seier Geir Thomas Finstad frå Statens vegvesen.

Søndag hadde dei ein kontroll på Magnormoen kontrollstasjon ved Kongsvinger.

Ein av dei som vart vinka inn var vogntoget med den noko spesielle lasten. I frontruta låg bøffelhornet over heile dashbordet. Det er ikkje daglegdags for kontrollørane.

– Det er store blindsoner

– Det hindrar utsyn. Det er mange som monterer gjenstandar på dashbordet, heng opp gardiner og anna. Dette påverkar utsynet til spegel og aukar blindsona, seier Finstad.

Dette må sjåførane unngå, spesielt sidan det kan oppstå farlege situasjonar for mjuke fotgjengarar og bilar i blindsonene.

– Når ein køyrer store køyretøy må ein hugse på at det er store blindsoner, seier Finstad.

Statens vegvesen jobbar heile tida for å betre trafikktryggleika. Visjonen er at ingen skal bli hardt skadd eller drepne i trafikken. Det er fleire ting som dei sjekkar under ein kontroll som lastesikring, overlast, avrenning, samt køyre. og kviletid.

• E6 ved Eidsvoll er stengt etter steinras:

Åtte bruksforbod

Under søndagens kontroll vart 20 tunge køyretøy teke ut for ein utvida kontroll.

– Det var gjeve åtte bruksforbod, seier Finstad.

Fire av desse skuldast manglande lastesikring der eit av brota var ein stropp som nesten er skjært av som følgje av feil bruk. Tre lastebilar hadde sikthindrande gjenstandar i frontvindauget, mens den siste hadde for mykje last på foraksel.

– Vi gjer det vi kan for å gjere vegen tryggare for alle, seier Finstad.