Pudderalarm i Jotunheimen: Her finn du påskesnøen

2 weeks ago 10

– Det er pudder i Jotunheimen!

Mari Arnøygard Wedum nesten hoppar av fryd når ho testar skia i laussnøen ved Leirvassbu.

Produktet den daglege leiaren i Visit Jotunheimen har som jobb å selje, viser seg nesten frå si aller beste side når ho er med NRK på tur til den kjende turisthytta.

Det einaste som manglar er strålande sol.

– Dette er berre heilt rått, eg blir huga til å køyre rett ned att med ein gong!

I mars har snøen lava ned.

No er snødjupna godt over meteren.

Det er nesten ein meter mindre enn det som er vanleg i midten av mars.

Likevel, det er meir enn nok snø til alle.

Skiguide Iver Lund Aakre kallar nysnøen redninga for vårskisesongen i fjellet.

– Det ligg godt til rette for både påska og ein lang og god skisesong utover april og mai.

Mens dei snakkar startar det å snø endå meir.

– No har det komme ei skikkeleg dump, seier Wedum, og legg leande til:

– No har vi pudder til pungen til påske! Det likar oss!

Lurer du på kor det blir snø i påska? Her er ei slags oversikt:

Generelt kan ein seie at det er mindre snø i fjella no enn det som er normalt for årstida.

For landet sett under eitt ligg snømengda no på om lag 61 % av normalen, ifølge senorge.no. Det betyr at me manglar nesten 40 % av den snøen me vanlegvis har på denne tida.

Men KOR er det skiføre no, utanom Jotunheimen?

NB: Det er umogleg å få med absolutt alle plassar det er skiføre, men vi håpar dette kan gje deg eit par gode tips til kvar du kan spenne på deg skia i påska!

Austlandet:

Pål Erik Skaugen driv Smuksjøseter Fjellstue ved Høvringen i Rondane.

Også der har dei nok snø til påske.

– Heile løypenettet er ope, vi køyrer framleis over vatnet, det er ingen smelting på gong no, seier han.

Og legg til at han gler seg til påske.

– Det er heilt normal vinter her, seier Skaugen.

Smuksjøseter fjellstue på Høvringen og skiløyper i påskevær

Ved Sjusjøen i Ringsaker, på Nordseter i Lillehammer og på Skei i Gausdal, er snødjupna rundt ein meter ei dryg veke før palmehelga.
I Trysil og på Beitostølen ligg det rundt 80 centimeter akkurat no.
I Kvitfjell er det 70 centimeter, i Hafjell 80.
På Norefjell er det ein halvmeter snø.
På Geilo er 90 centimeter i skisenteret, og i Hemsedal ligg det rundt 60 centimeter snø i bakken. Utanfor løypene er det betydeleg mindre.

– Det har halde seg kaldt om nettene, så vi er heilt trygge på at det blir ei fin påske. Vi ligg jo ganske høgt oppe, fortalde Jonatan Eklöf til NRK tidlegare denne veka.

Han er destinasjonssjef i Skistar Hemsedal.

Per Øystein Turøy og Solveig Askevold Ulsund er ute med pulk i skiløypene på Nordseter. Dei har tru på at snøen kjem til å halde seg til påske.

– Med alt som har kome dei siste dagane har eg tru på det, seier Turøy.

For paret er det viktig med snø i påska. Som nybakte foreldre har dei sakna å gå på ski det siste åra.

– I påska har vi barnevakt, så då får vi endeleg gått litt skikkeleg på ski igjen, seier Ulsund

Men i påskeferien går turen til hytta på Oppdal.

– Vi kryssar fingrane for snø der også, seier Turøy.

Per Øystein Turøy og Solveig Askevold Ulsund i langrennsutstyr og med barn i pulk

Midt-Noreg:

I Trøndelag og Møre og Romsdal er det varierande forhold. Det er bra med snø i indre strok og mot svenskegrensa, men bart og vått langs kysten.

På Stranda skisenter er det 70 – 80 centimeter våt snø.
I Sunnmørsalpane er det ein knapp halvmeter akkurat no.
Oppdal Skisenter melder om 80 centimer i skisenteret, med nysnø på toppen. Det er elles lite snø utanfor løypene.

Nord-Noreg:

Det er varierande forhold i nord. Mykje nedbør, kombinert med høge temperaturar, gjer snøen tung og våt. Det er fare for sørpeskred i bratt terreng.

Mest snø før påske er det på Gjerdvassbu i Lyngen og Sjufjellet i Balsfjord i Troms. Der er det over 2 meter begge stader.
Målselv har 60 centimeter snø.
I Narvik er det rundt 70 cm på toppane og 40 cm i dalen.
I Finnmark er det Kautokeino som har mest snø med litt under meteren.

Sørlandet:

Våren har komne tidleg til kysten. Ein må opp på høgfjellet i Agder for å finne skiføre.

På Hovden er det rundt ein halv meter snø.
I Sirdal er det 60 centimeter akkurat no.

Vestlandet:

På vestlandet gjer ein snøfattig vinter og ein mild start på våren at fleire skisenter allereie må kaste inn handkledet. Der har ein ikkje registrert så lite snø i mars sidan 1960-talet.

Unntaket er Voss og Røldal, der det er rundt ein meter snø i fjellet.
I Sauda det mindrre snø i terrenget, men rund halvmeteren i skisenteret.
Oppe på Hardangervidda er det jamt over gode snøforhold.

Biletet viser ein skibakke med ein stolheis som går opp bakkane. Området er prega av snøflekkar, men elles berr bakke. Himmelen er grå og overskya. Det er ingen menneske synlege i biletet.

Her kan du sjekke snøforholda sjølv!

– Ver merksam, hugs fare for snøskred

Skiguide Iver Lund Aakre ber folk vere merksame i høgfjellet.

Akkurat no er det betydeleg snøskredfare i Jotunheimen der han ferdast.

To personer går i snøen på en bratt skråning, iført vinterklær og bruker staver for støtte. Landskapet er preget av hvit snø og fjell med lav sikt. Den ene personen har på seg en gul jakke, mens den andre bærer en mørk jakke. Spor i snøen viser hvor de har gått tidligere. (Bildebeskrivelsen er laget av en KI-tjeneste)

I Indre Troms, Ofoten og Salten er det sendt ut raudt farevarsel for stor snøskredfare dei neste dagane.

Lund Aakre seier folk må planlegge kor dei har tenkt å gå, og sjekke vêrmelding og skredvarsel på varsom.no.

En person iført vinterklær, inkludert en rød jakke og lue, står foran et snødekt fjell. Personen har solbriller på og bærer en ryggsekk. Omgivelsene er preget av hvite snøflater og en skyet himmel. Bildet formidler en vinterlig utendørsaktivitet. (Bildebeskrivelsen er laget av en KI-tjeneste)

– Og er du usikker, så spør lokale kjentfolk, seier han.

Likevel meiner han at folk må reise til fjells i påska.

– Gladmeldinga er at det mykje snø, det er vinter og fantastiske forhold her oppe. Så dette lovar godt, her får du eigentleg alt du søkjer etter til påske.

Publisert 20.03.2026, kl. 20.09 Oppdatert 21.03.2026, kl. 17.40

Read Entire Article