Russiske luftangrep i Aleppo

For første gong på 8 år har det russiske forsvaret gått til luftangrep i Aleppo i Syria.

Årsaka er at jihadistar har tatt kontroll over store deler av byen. Opposisjonmilitsane ønsker å styrta Syrias president Bashar al-Assad og hans styre.

– Hayat Tahrir al-Sham (HTS) og allierte fraksjonar tok kontroll over store deler av byen, regjeringssenter og fengslar, rapporterer krigsopperatøren Syrian Obersvatory for Human Rights (SOHR) laurdag morgon.

Dei melder også at russiske krigsfly har starta angrep mot område i Aleppo by.

Fjerde dag av lynoffensiv

Det var onsdag denne veka at tusenvis av opprørarar feide gjennom fleire byar og tettstadar nordvest i Syria. I fire dagar har dei tatt over minst femti landsbyar i området.

Fleire sivile er drivne på flukt, og over 240 er drepne i kampane mellom opprørsgruppene og regjeringsstyrkane, ifølge SOHR.

Lova hjelp

Russland lova natt til laurdag at dei ville senda millitære forsyningar for å hjelpa med å hindra at jihadistar og opprørarar tek kontroll over Aleppo.

To syriske millitærkjelder opplyste til nyheitsbyåret Reuters natt til laurdag at forsyningane er venta å kome til ein russisk flybase nær kystbyen Latakia innan 72 timar.

Laurdag morgon melder Reuters at syriske krigsobservatørar hadde sett russiske rakettar over Aleppo.

Ein militær kjelde sa også til nyheitsbyrået at syriske styresmakter har stengt flyplassen i Aleppo og at alle flygingar til og frå byen er avlyste.

Lang konflikt

Russland, saman med Iran og libanesiske Hizbollah, har støtta Assad-regimet sidan borgarkrigen i Syria braut ut i 2012.

Året før, i 2011, hadde fredelege demonstrasjonar mot Assad brote ut som ein del av den arabiske våren. Assad slo ned på desse med enorm brutalitet.

Opposisjonsgruppene fekk, og får framleis, støtte frå Tyrkia og vestlege land. I tillegg finst det fleire jihadistgrupper som også jobbar imot Assad, og iblant kvarandre.

I kaoset og maktvakuumet som følgde borgarkrigen, fekk jihadistgruppa ISIL fotfeste. Dei tok kontroll over Aleppo i 2013.