Stoltenberg før toppmøtet: – EU forstår det norske ønske

På plass i den polske hovudstaden for å delta på møtet i EUs finansministerråd. Som regel må Noreg sitte på gangen under slike møter fordi vi ikkje er medlem av EU, men no er finansminister Jens Stoltenberg (Ap) invitert for å delta.

Det er første gong han treffer alle finansministrane i EU saman.

Bodskapen hans er at dersom EU innfører beskyttelsestiltak for å skjerme europeisk industri mot handelskrig, må Noreg komme på innsida av tollmurane.

Det var også bodskapen statsminister Jonas Gahr Støre (Ap) hadde i Brussel tidlegare denne veka.

– Håper du å kunne legge faren for trippelskvis død ved å snakke med dine kollegaer i EU?

– Eg trur ikkje vi får nokre endelege garantiar før EU faktisk veit om det blir nødvendig med beskyttelsestiltak. Men det vi har høyrt i mange møter, er at EU forstår det norske ønsket. Dei ser også verdien for EU av at vi kjem på innsida, seier Stoltenberg.

Trump-toll på pause

Auka tollsatsar har påverka børsane over hele verda og skapt stor uro i finansmarknadane.

Men onsdag sa USAs president Donald Trump at han set dei mest omfattande tollsatsane på pause i 90 dagar. Tollsatsen på 10 prosent, som omfattar alle land, har han likevel valt å behalde.

No vil EU prøve å forhandle med USA.

– Det er ikkje klart kva slags forhandlingar og kva slags samtaler det er snakk om. Vi får avvente litt. Det viktige for Noreg er at vi samordnar oss med EU, seier Stoltenberg.