– Å bli utstøtt er det verste noen kan bli utsatt for

(Bergens Tidende): Fjellet over, fjorden under. Midt i mellom eit kvitt hus med okergule lister.

Trea i den bratte lia er tunge av raud frukt, og ein leikelysten hund spring rundt med eit Discovery-eple i kjeften.

I dagslys er Hardanger-idyllen komplett.

Men ved nattetid eller grytidleg om morgonen, skjer det eit hamskifte i stova i Grimo i Ullensvang.

Då er småbrukaren forfattar. Då diktar Leander Djønne opp allslags faenskap.

Kvar side i den nye romanen hans, «Alt et», er som ein knyttneve. Blod, spy og skit renn nedover sidene.

Ingen slepper unna. Ikkje ungar, ikkje bestemødrer, ikkje dyr.

– Det er ingen pauseknapp. Boka er grufull, rett og slett, seier Djønne til BT.