Andrew Tate og broren Tristan er sikta for valdtekt i Storbritannia

Siktingane omhandlar valdtekt, kroppsskade og menneskehandel.

Det melder Sky News og BBC.

– Vi kan bekrefte at vi har godkjent siktingar mot Andrew og Tristan Tate for lovbrot som inkluderer valdtekt, menneskehandel, kontroll over prostitusjon og kroppskrenking mot tre kvinner.

Det seier britiske påtalemyndigheiter til Sky News.

Skulda for menneskehandel og valdtekt

Tate-brørne har både britisk og amerikansk statsborgarskap.

Dei siste åra har dei budd i Romania.

Der er dei under etterforsking for ei rekke skuldingar.

Skuldingane inneber menneskehandel og ha forma ei organisert gruppe for å seksuelt utnytte kvinner.

Andrew Tate er også skulda for valdtekt. Han blei i august 2024 dømd til husarrest av rumenske styresmakter.

Tate-brørne nektar straffskuld.

I 2024 blei det sendt ut ei europeisk arrestordre i England.

Det resulterte i at dei rumenske domstolane beordra ei utlevering av Tate-brørne til Storbritannia.