Bane Nor hadde problem med fjernstyringsanlegget fleire stader i landet

Problem med fjernstyringsanlegget til Bane Nor førte i dag til mindre forseinkingar på Sørlandsbanen, Jærbanen og på tog i drammensregionen.

Fleire tog blei bedt om å stoppe ved neste haldeplass.

Problema er nå retta opp, og feilen varte i rundt fem minutt, opplyser pressevakt i Bane Nor, Øystein Stavdal Paulsen.

– Det har ikkje noko med tryggleiken å gjere. Den er varetatt sjølv om fjernstyringsanlegget er nede, seier han.