Dansk mann omkom i ATV-ulukke på Voss

Vest politidistrikt opplyser at den avdøde i ATV-ulukka er dansk statsborgar, og at dei no har fått varsla pårørande av mannen i Danmark.

Mannen har likevel ei tilknyting til Noreg, opplyser politiet til Avisa Hordaland.

40-åringen fekk førstehjelp då helsepersonell kom til staden. Det blei også sendt ein luftambulanse til ulukkesstaden.

Politiet fekk melding om ulukka klokka 18 torsdag kveld. Ingen andre køyrety var involvert i ulukka, som skjedde i tettstaden Skulestadmo.

Vegen mellom Dukstad og Nedkvitne var stengd i fleire timar etter ulukka, men er no open.

Dette er den andre ATV-ulukka på Nedkvitnesvegen i Voss i sommar. I juli blei ein 16 år gamal gut i tenåra sendt i luftambulanse til Haukeland universitetssjukehus etter ei ulukke.