Ein mann i 20-åra omkom laurdag morgon i ei trafikkulukke ved Bolstad på Voss.
Vedkommande var åleine i bilen, og det var ikkje andre køyretøy involvert, opplyser politiet
– Årsaka til ulukka er førebels ukjend, skriv operasjonsleiar Knut Dahl-Michelsen
Krimteknikarar frå politiet og ulukkesgruppa til Statens vegvesen er på staden for å gjere undersøkingar.
E16 er stengd på ulukkesstaden. Det er usikkert kor lenge vegen vil vere stengd, men politiet ser for seg at det vil vere nokre timar.
I mellomtida vert det omkøyring via Hardanger og Norheimsund.
English (US)