Legg fram samtykkelov: – Eit kjempeviktig skritt

Regjeringa kunngjorde måndag morgon at dei kjem til å leggje fram ei ny samtykkelov før påske.

– Alle i Noreg skal kjenne seg trygge. Og vi ser at når det gjeld seksualisert vald, er det veldig viktig at vi sikrar ein betre rettstilstand her i Noreg.

Det seier justis- og beredskapsminister Astri Aas-Hansen (Ap).

Ei samtykkelov inneber at begge partar må gje eit tydeleg samtykke før dei har sex.

– Fleire som blir dømde

Frida Marie Grande er påverkar og har tidlegare jobbet med tematikken i Amnesty.

Ho seiar at ingenting gler hennar meir enn å få positive signal frå regjeringa om ein samtykkelov.

Ho meiner ei samtykkelov vil sende eit viktig signal om kvar grensene går.

– Det er ein kjempeviktig effekt med lova, å sende det signalet.

– Med ei samtykkelov vil det vere nokre fleire som kan bli dømde, og som burde bli dømde. Og det er eit kjempeviktig skritt å ta for oss, legg ho til.

Grande meiner ei samtykkelov ikkje er så vanskeleg i praksis.

– Du merkar ganske raskt om den andre personen er med på det eller ikkje. Og viss du blir usikker, er det berre å spørje.

Samtykkelov kan bli behandla av Stortinget før sumaren

For at lovforslaget skal kunne bli behandla av Stortinget før sumaren, må det leggjast fram innan utgangen av april.

Fleire har frykta at regjeringa ikkje ville rekke fristen.

Ordlyden i lovforslaget er førebels ukjend.

Regjeringa har i det tidlegare samarbeidet med Senterpartiet (Sp) skrive i Hurdalsplattforma at ordlyden «skal spegle at seksuell omgang utan samtykke er forbode og definert som valdtekt».

Det har vore mykje debatt om ei samtykkelov bør innførast eller ikkje.

Advokat: Kan føre til eit bevisproblem

Advokat Mette Yvonne Larsen har representert både ofre og mistenkte av kriminelle handlingar. Ho er kritisk til innføringa av ei samtykkelov.

Larsen meiner at ei slik lov vil føre til eit større bevisproblem og at ho kan gå ut over rettstryggleiken både til den fornærma og den mistenkte.

– Det å gjere ei straffbar handling eller eit straffebod avhengig av at noko skal vere verbalisert, har eg ikkje noko tru på. Vi har ei samtykkelov i dag, og viss nokon seier nei, og det let seg dokumentere, så er det straffbart, seier Larsen.