Trass i ei sein påske er besøkstala på DNT-hyttene på nivå med fjoråret, opplyser dei i ei pressemelding.
– Mange trur at påska i fjellet er avlyst, på grunn av lite snø mange stader. Men folk har funne fram til snøen, skiføret og DNT-hyttene, seier Tor Kåpvik, generalsekretær i DNT.
Ifølge dei er talet besøkande jamt over tilsvarande fjorårets besøkstal i palmehelga. Enkelte hytter har fleire besøkande i år enn i fjor.
– Det heng kanskje saman med at fleire legg turen til oss når dei ikkje har snø på eiga hytte, seier Kåpvik.
English (US)