I dag vart den ti meter høge statuen av tekstforfattaren, presten og diktaren Petter Dass bolta fast. Den er plassert på skjæret Raudholmgalten i Alstenfjorden i Herøy.
Den 16 tonn tunge bronsestatuen skildrar, diktarpresten Dass, som rir på Fanden sin rygg på veg til København. Kunstnaren bak prosjektet er Frode Lillesund.
– Det er ein fantastisk kjensle. I sterk vind vart statuen skrudd rett på skjæret, ingen boltar var øydelagd, seier initiativtakar, Alf Knutsen i Nordland i dag.
Det tok fire timar å frakte Petter Dass statuen til skjæret. Ein lekter med ei 132 tonn tung mobilkran og presisjon måtte til for å plassere presten og Fanden på øya.
Det vert ei offisiell avduking av statuen klokka 13, fredag 27. juni.
– Me håper på fint vêr under avdukinga, seier Knutsen i ettermiddag.
English (US)