USA sin president Donald Trump har snakka med Ukraina sin president Volodymyr Zelenskyj fredag ettermiddag.
Ukraina sin stabssjef, Andrij Jermak, bekreftar «den viktige og meiningsfulle samtalen» mellom presidentane, melder Reuters.
– Ein svært viktig og nyttig samtale med USA sin president Donald Trump. Vi i Ukraina er takknemlege for all støtta som er gitt, skriv Zelenskyj på Telegram.
Presidentane skal ha snakka om russiske luftangrep, moglegheitene for å auke luftforsvaret i Ukraina og forsvarsindustri, ifølge Zelenskyj.
Dagen før snakka Trump på telefon med Russland sin president Vladimir Putin. Samtalen varte i underkant av ein time.
Putin skal ha sagt at han ikkje vil trekkje seg tilbake frå måla i Ukraina, men at han er interessert i å forhandle fram ei løysing, melder Reuters.
English (US)