Bil i full fyr på jorde natt til laurdag

I 04-tida natt til laurdag rykka politiet ut til eit jorde i Steinkjer kommune etter å ha mottatt melding om ein bil som stod i full fyr.

Ingen personar var i bilen da politiet kom til staden.

Brannvesenet kom til staden og sløkte brannen raskt, fortel Aleksander Tangen ved 110-sentralen.

Kort tid etter opplyste politiet at eigaren av bilen hadde ringt.

– Eigaren av bilen har ringt. Han seier bilen hans har blitt stolen i løpet av natta, opplyste operasjonsleiar Einar Larsen Røstum kl. 04.46.

Mistenker ruskøyring

Politiet fann kort tid seinare ein mann i slutten av tenåra som dei mistenker for å ha køyrt bilen.

– Det mistenkast også at han har køyrt bilen i påverka tilstand, opplyste Røstum.

Mannen blir framstilt for blodprøvetaking og blir meldt til politiet for forholdet.

Laurdag morgon fortel operasjonsleiar Ketil Stene til NRK at mannen blei funnen i nærleiken.

– Mannen blei funnen langs ein veg i nærleiken, fortel Stene.

Vil gjere undersøkingar

Operasjonsleiaren fortel at politiet vil gjere undersøkingar.

– Det kjem nokre etterforskarar på jobb etter kvart som vil ta tak i dette, seier Stene laurdag morgon.

– Det vil bli gjort avhøyr av vitnar og av den sikta.

I tillegg etterforskar politiet om bilen stolen eller ikkje, fortel Stene.