Førar av motorsykkel omkom i ulykke i Rauma

Ulykka skjedde mellom midnatt og klokka 01 natt til tysdag. Den hadde skjedd på fylkesvegen mellom Isfjorden og Åndalsnes i Rauma.

Politiet fekk melding at ein lettmotorsykkel og føraren låg i grøfta. Det blei tidleg varsla at det var ei alvorleg ulyukke, og det blei utført hjarte- og lungeredning, medan luftambulansen blei tilkalt.

Klokka 03 meldte politiet av ein person omkom i ulykka, og at pårørande var varsla.

Vegen stengt

Operasjonsleiar Jørgen Molnes ønskjer i 05-tida ikkje å seie noko om kvar vedkomande kjem frå. Heller ikkje alder eller kjønn på den omkomne er førebels frigitt.

– Både politiets teknikkarar og vegvesenets undersøkingsgruppe har starta undersøking på staden. Vegen har vore stengt sidan ulykka, og førebels er det usikkert når den opnar igjen, seier Molnes.