SISTE: «Drømmer» vann den største prisen under filmfestivalen i Berlin.
– Dette var heilt utanfor det eg har drøymt om, sa Haugerud på scena då han tok imot prisen.
Produsentane Yngve Sæther og Hege Hauff Hvattum jubla saman med regissøren på scena.
– Det er overveldande å stå her, sa Sæther.
Det er første gong ein norsk film har vunne Gullbjørnen, ein av verdas mest høgthengande filmprisar.
Dag Johan Haugerud vant beste film på Berlinalen, det er den gjeveste prisen som er kalles "Gullbjørnen".
Rose Byrne vant sølvbjørnen for beste skuespiller for filmen "If I Had Legs I'd Kick You", regissert av Mary Bronstein.
Ivan Fund mottar sølvbjørnens jurypris for "The Message".
Den kinesiske regissøren Huo Meng vant sølvbjørnen for beste regissør under årets Berlinale.
Fekk beskjed om å komme
På førehand var forventningane høge til at den norske filmen skulle vinne.
– Det er veldig spennande og veldig fint, sa regissør Dag Johan Haugerud då han møtte NRK før festkvelden i Berlin.
Fleire på laget bak filmen var reist frå Berlin, men fekk streng beskjed om å returnere til den tyske hovudstaden.
– Eg fekk ein telefon frå ei streng tysk dame om å reise tilbake, sa produsent Yngve Sæther.
Traileren til filmen «Drømmer».
Film nummer to
«Drømmer» er den andre filmen i Dag Johan Haugerud sin trilogi «Sex Drømmer Kjærlighet».
Den handlar om ein 17-åring som forelskar seg i læraren sin.
Filmane har gått sin sigersgang på internasjonale filmfestivalar. Det heile starta på filmfestivalen i Berlin i fjor med filmen «Sex».
«Drømmer» vann altså den gjevaste prisen i hovudkonkurransen i Berlinalen. Filmen vann også to fagprisar under festivalen.
Sist ein norsk film var i hovedkonkurransen var i 2019. Då var «Ut og stjæle hester» av Hans Petter Moland med i toppen, men vann ingen pris.
Selome Emnetu og Ella Øverbye frå filmen «Drømmer».
Foto: Motlys / Arthaus / Arthaus / NTBKjempa mot 19 filmar
I år er det 19 filmar som konkurrerer om den aller gjevaste prisen, Gullbjørnen.
Då det blei kjend at «Drømmer» skulle vere med i hovudtevlinga, var det stor glede i det norske filmmiljøet.
Kjersti Mo er direktør i Norsk filminstitutt. I kveld kunne ho juble for den første norske Gullbjørnen.
– Det er ein fantastisk heider til Dag Johan Haugerud som filmskapar, og ein mektig avslutning for lanseringa av «Sex, Drømmer og Kjærlighet», seier Mo.
Årets Berlinale har også vore ein stor publikumssuksess. Det har blitt seld i alt 130.000 billettar til dei ulike filmvisningane i den tyske hovudstaden.
– I morgon kan eg sove, sa ein særs nøgd festivalsjef Tricia Tuttle frå scena laurdag kveld.
Festivalsjef Tricia Tuttle på den raude løparen laurdag kveld.
Foto: APPublisert 22.02.2025, kl. 17.02 Oppdatert 22.02.2025, kl. 20.19
English (US)