– Ho var ein fargerik person

Prinsessa var storessøstera til kong Carl Gustaf og budde i mange år på Mallorca. Det var også her ho døydde.

– Det er med stor sorg at eg i dag har fått meldinga om at søstera mi har gått bort, seier svenskekongen i ei melding.

Prinsessa Birgitta var kona til den tyske prinsen og kunsthistorikaren Johann Georg von Hohenzollern-Sigmaringen (1932–2016).

Ho vart fødd 19. januar 1937 på Haga slott og var det nest eldste barnet til arveprins Gustaf Adolf og prinsessa Sibylla.

– Ho var ein fargerik og ein rett fram-person som vil bli sakna djupt av meg og familien min, seier kongen.