Ein feil på IT-systema gjer at apotek over heile landet har problem med å dele ut medisinar på resept, seier kommunikasjonssjef Jostein Soldal i Apotekerforeningen til Sunnmørsposten.
– På grunn av problem med nasjonale IT-systema får ikkje apoteka i Noreg ekspedert reseptar no, seier han.
Han seier det blir jobba med å rette problema, men at det er usikkert når systema er oppe og går igjen.
Apoteka har naudprosedyrar som gjer at dei kan få levert ut medisinar for akutte tilfelle.
English (US)