Ei kvinne i 60-åra, som blei påkøyrt i eit fotgjengarfelt i Molde på måndag, omkom som følge av skadane ho fekk. Det melder politiet i Møre og Romsdal.
Kvinna blei frakta til St. Olavs hospital i Trondheim etter hendinga og politiet beskreiv ulykka som alvorleg.
Ulykka skjedde i Molde sentrum måndag kveld. Politiet jobbar framleis med å etterforske årsaka til hendinga.
Politiet opplyser at førar av personbilen som var involvert i ulykka er sikta etter vegtrafikklova § 3.
English (US)