Den nye sesongen av «Kompani Lauritzen» med Grimstad-mann Dag Otto Lauritzen i spissen får sterke tal og er sett av over 800.000.
Så langt har 828.000 sjåarar fått med seg sesongpremieren laurdag, anten lineært eller på TV 2s strøymeteneste. Det er 34.000 fleire sjåarar enn sesongpremieren i fjor hadde på same tidspunkt, ifølgje Kampanje.
– Når over 800.000 sjåarar ser dette dei første 48 timane, så er det heilt fantastisk. Dette stadfestar at «Kompani Lauritzen» er eitt av flaggskipa til TV 2. Det er vi superstolte av, seier programredaktør Trygve Rønningen, som trur han augnar million-milepælen for sesongpremieren.
Premieren i fjor samla 794.000 sjåarar på to dagar og året før hadde premieren 978.000 sjåarar etter like lang tid.
English (US)