Barack Obama på plass på kongs­garden med kongen

Den tidlegare presidenten kom til kongsgarden i ein lang kortesje med mykje sikkerheit.

På kongefamilien sin eigedom på Bygdøy skal den tidlegare presidenten ete lunsj saman med kong Harald, kronprinsesse Mette-Marit og statsminister Jonas Gahr Støre.

Fylte Spektrum

Barack Obama starta besøket i Noreg med å halde eit innlegg i Oslo Spektrum måndag kveld.

Frå scenen snakka USA sin tidlegare president om tematikkar som rettferd, ytringsfridom og utdanning.

Obama var særleg positiv til Skandinavia og Noreg sine løysingar innan utdanning.

USA-ekspert Sofie Høgestøl leia samtalen med Obama i Spektrum.

Obama nytta også måndagen til å møte med sjefen i Oljefondet, Nicolai Tangen.

– Dei diskuterte verdsøkonomien, geopolitikk og den generelle situasjonen i USA, fortel kommunikasjonssjef i Oljefondet, Line Aaltvedt til VG.

Tidlegare besøk

Obama var også i byen i 2018 då han talte på ein konferanse.

Før det mottok den tidlegare presidenten Nobels fredspris i hovudstaden i 2009.