Beijing har løyst floken med feilparkerte elsparkesyklar på enkelt og effektivt vis

Parkering av elsparkesyklar i Stavanger kan med enkle grep ryddast opp i, meiner innsendaren. Foto: Pål Christensen / Aftenbladet

DEBATT: Det rår kaotiske tilstandar med omsyn til parkering av elsparkesyklar i Stavanger – parkering på fortau er spesielt alvorleg, etter mitt syn. Kaoset har rådd i fleire år, og mykje er sagt, men lite er gjort for å bøta på dette.

I deler av året bur eg i Beijing, som for nokre år sidan hadde eit stort problem med bysyklar parkerte overalt. Etter nokre års kaos rår det i dag god orden. Her er nokre av tiltaka som blei gjennomførte:

Antalet utleigeselskap er avgrensa til tre, og antalet leigesyklar er avgrensa til 800.000 for byens 22 millionar innbyggjarar. Syklane må parkerast på oppmerkte felt; ved feilparkering er det ikkje mogleg å avslutta leiga, og teljeverket går til ein maksimumssum er nådd. Utleigar har sjølvsagt full informasjon om utleigar, og kan sanksjonera om nødvendig.

Stavanger kommune har ein jobb å gjera for oppmerking av parkeringsfelt, og utleigeselskap har tilsvarande jobb å gjera for å programmera elsparkesyklane til ikkje å godta parkering utanfor desse felta. Ingen av delane er kompliserte.