Naudetatane rykker ut på melding om ein brann i eit bygg på Tysnes. Det brenn kraftig, og fire stasjonar har rykt ut, fortel fungerande vaktkommandør ved 110-sentralen, Børre Brekkvassmo.
Klokka 14.52 melder operasjonsleiar Tore-Andre Brakstad at det framleis er ein stor og uoversiktleg brann.
Brannvesenet har starta sløkking. Sør-Vest politidistrikt sender patrulje for å assistere. Kystvakta og redningsskøyta er også på veg for å hjelpe til.
Det var i starten uklart om det var personar inne i bygget, men ifølge Brekkvassmo, skal det no ikkje vere personar inne i bygget.
English (US)