Sátnejođiheaddji Áillohaš-bálkkašumi birra: - Rahpan uvssaid
Mikkâl Morottaja (41) , geas lea Amoc artistanamman, ja Áilu Valle (40) leaba vuosttas sámi artistta guovttos geat oktanaga oažžuba Áillohaš-bálkkašumi.
Soai leaba 20 jagi bargan iežaska musihkain, ja soai leaba maiddái ovttas bargan olu jagiid.
Áillohaš-bálkkašumi jury deattuha earret eará ahte vuoiti guovttos leaba sámi rap- ja hip-hopšáŋŋera álggu rájes leamaš mielde hábmeme.
Guovdageainnu sátnejođiheaddhi lohká ahte soai leaba rahpan uvssaid.
– Dán jagi vuoitit leaba musihkain ja poesiijain bargan stuora ja dehálaš barggu loktet sámegiela gullosii, ja dainna lágiin rahpan uvssaid viidát giellageavaheapmái.
– Musihka lea gaskkustanreaidu mii deaivá olbmuid čiekŋaleappo go dušše sánit, lasiha son.
English (US)