Skiskyttar Marthe Kråkstad Johansen (27) frå Mo i Rana tok 8. plass på dagens jaktstart i Ruhpolding i Tyskland.
Johansen opna bra med fullt hus på fyrste liggande, men ein bom på andre liggande kosta tid, og ho fall noko tilbake i feltet.
– Eg er godt nøgd med løpet mitt i dag. Det var eit veldig høgt nivå, så det er det beste eg kunne håpa på, seier Marthe Kråkstad Johansen.
No føler ho seg klar til OL.
– Eg føler meg trygg på at det blir OL no. Det har vore ein draum veldig lenge, så det gler eg meg veldig til, seier Johansen.
Johansen vart nest beste norske skiskyttar, bak Maren Kirkeeide (22) frå Stryn som tok 4. plass.
English (US)