Hotellsjef inviterte 14-åring til rommet – dømd for overgrep

Mannen i 40-åra er hotellsjef på Vestlandet. 

Forholdet han no er dømd for skjedde på eit hotellrom han disponerte i mars i fjor.

– Det var på førehand avtala at fornærma skulle gå inn på hotellet via bakdøra. Då fornærma kom til rommet, hadde tiltalte dekka bordet og tent lys, skriv tingretten om opptakta.

Innrømma seksuell omgang

No er mannen i 40-åra dømd til fengsel i ni månadar for det han utsette ein mindreårig gut for inne på hotellrommet.

I retten innrømma hotellsjefen den seksuelle omgangen han utførte på guten, men hevda det var fornærma som tok initiativet.

Og han hevda han var overtydd om at guten var 16 år gamal, altså over den seksuelle lågalderen.

Det har retten inga som helst tru på og meiner tvert imot at hotellsjefen både hadde «kunnskap om at fornærma var under 16 år gamal på gjerningstidspunktet» og at han var i ein sårbar livssituasjon.

Sjef misbrukte mindreårige tilsette i gjørmehol

Fekk alkohol

I dommen kjem det fram at mannen skjenka drinkar med sprit i til den mindreårige på hotellrommet.

Å få alkohol og sprit var ifølge retten hovudmotivasjonen for at 14-åringen gjekk inn på hotellrommet denne kvelden.

Han har sjølv forklart at han vart svært rusa av spriten. 

– Tiltalte tok initiativet og utnytta fornærma sitt reduserte funksjonsnivå, meiner retten og argumenterer for fleire skjerpande forhold.

– Handlingane står ikkje fram som spontane. Tiltalte la til rette for møtet ved å etablere ramma rundt treffet, sørge for alkohol og ein situasjon der fornærma var rusa og isolert.

Stjal PC fra skoletoalett – så gjorde hun det «uforståelige»

Erstatning

Hotellsjefen er dømd for å ha hatt seksuell omgang med barn mellom 14 og 16 år. Han er også dømd for å ha gitt han alkohol.

I tillegg fann politiet overgrepsmateriale på datamaskina hans.

Han må også betale 120.000 kroner i erstatning til den mindreårige guten.

Det er ikkje avklart om han ankar dommen og den er difor ikkje rettskraftig.

– Han har teke betenkningstid og vil bruke den tida til å gå gjennom dommen, seier forsvarsadvokat Paul-Inge Angelshaug.