Jonas, din frankofile bygut! Lytt til Thomas Piketty

Illustrasjon: Christian Bloom

Alt byrja med ei femkroners barnebok — og enda i samtalar om skatt, slavehandel og revolusjon.

Mitt beste kjøp nokosinne? Ei bok i utsalet til det nedlagte skulebiblioteket i ein like nedlagt grendeskule. For 5 kroner kjøpte eg det som eg vil anslå har gjort jobben med å vere forelder minst 50 prosent meir lystprega og givande: «Aschehougs verdenshistorie for barn» av svenske Christer Öhman.

Eg skal tilstå at eg kjøpte boka mest til meg sjølv: 366 sider rikt illustrert og dumbed down verdshistorie, frå dei første menneska til krigane på Balkan, ispedd gresk og norrøn mytologi? Ja, takk!