Nicolai Budkov Kjær er ute av ATP-1000-turneringa Madrid Open etter tap mot Daniil Medvedev i 16.-delsfinalen.
Medvedev starta sterkt i det første settet, men det norske tennishåpet klarte lenge å henge med i det andre.
– Det er mykje god tennis av Nicolai Budkov Kjær, sa TV 2s kommentator Sverre Krogh Sundbø.
Men russaren, som er ranka som nummer ti i verda, blei likevel for sterk.
– Det er for bra av Medvedev i dag. Han blei rett og slett for sterk, sa Sundbø.
Medvedev vann med settsifra 6-3 og 6-2.
Kjær ligg på 140.-plass på ATP-rankinga, men ligg an til å klatre rundt 20 plassar etter innsatsen i Madrid.
English (US)