* Våren 2007: Nordic Mining innleier konsekvensutgreiing for mineralutvinning i Engebøfjellet i daverande Naustdal kommune.
* 2008: Selskapet søker dåverande Fylkesmannen i Sogn og Fjordane om løyve til sjødeponi i Førdefjorden, noko som fører til fleire år med høyringsrundar.
* 13. februar 2015: Miljødirektoratet frårår eit sjødeponi for gruveavfall i Førdefjorden av omsyn til fleire raudlista fiskeartar.
* 17. april 2015: Klima- og miljødepartementet gir utsleppsløyve til sjødeponi i Førdefjorden. Ei ny oppmoding frå Miljødirektoratet konkluderer med at dette løyvet kan givast, trass i at direktoratet tidlegare har sagt nei.
* April-mai 2015: Det blir etablert ein protestleir ved Førdefjorden.
* 18. januar 2017: Eftas overvakingsorgan Esa konkluderer med at Noreg har opptredd i samsvar med EUs vassdirektiv, etter å ha fått fleire klager om saka.
* 17. juni 2020: Direktoratet for mineralforvaltning seier ja til gruveprosjektet samla sett. Dette vedtaket blir klaga på.
* Januar 2021: Nordic Mining får løyve til å sleppe ut to tonn med det miljøfarlege stoffet SBIX i fjorden kvart år.
* 6. mai 2022: Nordic Mining får endeleg løyve til gruveprosjektet etter at Nærings- og fiskeridepartementet behandla klaga frå 2020. Miljøkrava blir likevel skjerpa noko.
* 15. november 2022: Naturvernforbundet og Natur og Ungdom saksøker staten fordi dei meiner løyvet til utslepp som blei gitt i 2015 er ugyldig. Saka blir kjent som «fjordsøksmålet».
* 13. januar 2023: Naturvernforbundet melder Nordic Mining for slamutslepp frå gruveanlegget.
* 10. januar 2024: Oslo tingrett gir staten medhald i fjordsøksmålet. Dommen blir anka og klaga inn for Efta-domstolen.
* Våren 2025: Gruveanlegget blir opna, og dei første konsentrata av rutil og granat blir henta ut.
* 5. mars 2025: Efta-domstolen gir miljøorganisasjonane medhald i at reint økonomiske omsyn ikkje kan tene som grunngiving for å tillate dumping av store mengder gruveavfall i Førdefjorden. Også EU-kommisjonen og Esa uttaler seg til støtte for miljøorganisasjonane.
* 23. mai 2025: Regjeringa avviser å endre løyvet til gruvedumping i Førdefjorden.
* 12. august 2025: Borgarting lagmannsrett slår fast at løyvet til dumping av gruveavfall i Førdefjorden er ulovleg, og konkluderer derfor motsett av tingretten. Staten ankar dommen til Høgsterett.
* 13. oktober 2025: Miljøorganisasjonane går til retten for å krevje at dumpinga av gruveavfall blir stansa inntil Høgsterett har behandla søksmålet, som i desember vedtar å ta saka.
* 10. november 2025: Sogn og Fjordane tingrett får ikkje medhald i kravet om mellombels åtgjerd for å stanse dumpinga. Dommen blir anka.
* 15. april 2026: Også Gulating lagmannsrett tillèt at gruvedumpinga fortset mens søksmålet blir behandla, men legg samtidig til grunn at løyvet er ugyldig, slik Borgarting lagmannsrett også gjorde.
* 23. april 2026: Esa opnar sak mot Noreg om brot på EUs vassdirektiv.
* 27. april 2026: Fjordsøksmålet blir tatt opp i Høgsterett.
* 17. juni 2026: Dommen i fjordsøksmålet fell i Høgsterett. Høgsterett slår fast at løyvet til gruvedumping er ugyldig.
Kjelde: ©NTB
English (US)