Norske Tius (10) song med Katy Perry: - Eg var ikkje så nervøs

1 week ago 10

Natt laurdag møttest USA og Paraguay i Los Angeles. Dette var vertsnasjonens første kamp under fotball-VM.

Under opningsshowet framførte Katy Perry låta «Wonder» saman med Tius Luka Sundberg frå Drammen for dei rundt 70.000 tilskuarane på tribunen.

– Det har vore ein utruleg bra dag. Eg var ikkje så nervøs, men spent, det var eg, seier 10-åringen då NRK møtte han på hotellet etter han var ferdig.

På slutten av songen blei Tius løfta av Perry. Det var ikkje planlagt, seier han.

– Ho berre gjorde det. Ho gjorde det ikkje på nokon av prøvene. Ho berre løfta meg på slutten.

Gut med treningsdress løper. I handa holder han ein mikrofon.

Han synest det var gøy å opptre framfor så mange folk. Men det var også godt å få det overstått.

– Det var deilig då det var over, og vi gjekk av. Og etterpå var det nokon som kjente meg igjen i ein butikk.

Gitt sitter i ei seng og gjesper etter en lang dag.

Gleder seg til å komme heim

Det var Perry som tok kontakt via dei norske produsentane i Stargate for eit par veker sidan, og spurde om Tius kunne tenke seg å opptre med saman med henne.

Kvinne og gut gir kvarandre high five framfor ein vegg.

Det første møtet kom litt brått på.

– Vi skulle prøve klede, og då sat ho der og fekk fiksa håret. Då blei eg litt overraska.

Han har hatt nokre fine dagar i Los Angeles. Han har blant anna ete på restaurant og har vore i Disneyland, der Perry spanderte ein guida VIP-tur i parken.

Tius spelar ikkje fotball sjølv, men han fekk med seg ein sekk full av VM-suvenirar, blant anna trøyer, caps og parfyme.

Men det kulaste var kanskje ein kopi av VM-trofeet, seier han.

– Han er ganske tung også.