Sahaba (7) blei kvelt av vesten sin i skiheis – no er ho tilbake i bakken

4 days ago 5

I burgunder skidress renn sju år gamle Sahaba Mushtaq elegant ned slalåmbakken ved Surnadal alpinsenter.

For knapt eitt år sidan skulle ho stå i den same bakken, men blei med eit uhell hengande fast etter halsen i skiheisen.

No er ho tilbake i bakken, og fryktar ikkje heisen, trass i den alvorlege ulykka.

– Før var eg redd, men no klarar eg å ta heisen sjølv, seier ho smilande.

Avisa Driva har også fortalt historia til Sahaba.

To personer er avbildet i en vinterscene om natten, hvor snø dekker bakken. Den ene personen, iført en rød ski-jakke, viser med en lang stang, mens den andre, iført en mørk jakke med lue, står nærmest. Bakgrunnen er en skianlegg med skiheiser og snødekte områder. Lys fra omgivelsene skaper en varm atmosfære til tross for den kalde settingen. (Bildebeskrivelsen er laget av en KI-tjeneste)

En person står ved inngangen til en skitrekk med snø i bakgrunnen. Det er natt, og lysene fra skitrekket lyser opp området. I nærheten er flere personer iført røde klær og hjelmer, som ser ut til å være ansatte. Flere skilt gir instruksjoner om sikkerhet og bruk av skitrekket. (Bildebeskrivelsen er laget av en KI-tjeneste)

– Ho slutta å puste

Ulykka skjedde 17. mars i fjor, då Sahaba deltok på barneskirennet Telenorkarusellen i Surnadal på Nordmøre.

Ho hugsar ikkje mykje av kva som skjedde etter hendinga, men fortel korleis det skjedde.

– Eg sat med vennen min, og så gjekk ho av. Då starta både heisen og eg å gå rundt, fortel ho.

Vesten med startnummeret hennar hekta seg dermed fast, og ho blei slept medan startnummervesten stramma seg rundt halsen hennar, i om lag 400 meter.

To bilete satt ved sidan av kvarandre som ein kollasj. På det første bildet ser vi skiheisen, på det andre ser vi startnummervesten.

Faren hennar, Gul Wais Mushtaq, fortel at dei tilsette ved Surnadal alpinsenter skunda seg opp for å hjelpe jenta.

– Ho var cirka 20 minutt medvitslaus, fordi ho hengde med halsen i startnummeret. Ho slutta å puste, fortel han.

Vidar Svinsås er skipatrulje ved skisenteret, og var den første på staden etter ulukka. Han fortel at han fann ho med hovudet nede i snøen.

– Det var veldig tøft den kvelden og natta. Då eg fekk høyre at det gjekk bra med ho, var det veldig godt, seier han.

Etter ulykka blei Sahaba sendt med luftambulanse til St. Olavs i Trondheim, og låg tre dagar i koma.

6 år gamle Sahaba Mushtaq blei kvelt og mista medvitet etter ho hang fast i ein skiheis i Surnadal.

Sidan ho hugsar lite frå ulykka, fortel faren hennar at ho ikkje var redd for å ta turen tilbake til skibakken.

– Etter kvart så gløymde ho at ho var redd også, så no er ho rett tilbake på ski og gler seg til det.

Mangelfulle risikovurderingar

Statens Havarikommisjon konkluderte i februar med at risikovurderingane ved skianlegget var mangelfulle.

I deira rapport kjem det mellom anna fram at Surnadal alpinsenter mangla ei systematisk tilnærming til tryggingsarbeidet, og at tryggleiksstyringssystemet deira mellom anna ikkje inneheldt risikovurderingar.

En mann står foran en opplyst bakgrunn, iført en mørk jakke og skjorte med striper. Han holder blikket rett mot kameraet. Omgivelsene er svakt belyst, med en sti synlig bak ham. Den generelle atmosfæren er kveldslik. (Bildebeskrivelsen er laget av en KI-tjeneste)

– Rapporten peika på ein del ting, og det har vi tatt lærdom av. Vi har allereie sett i gang tiltak, seier Helge Røv, som er dagleg leiar ved alpinsenteret.

Vidare fortel han at dei har sett opp kamera, gått gjennom kvalitetssikringssystemet og sett på risikovurderingar.