Slik reparerer du gamle vindauge

Har du eit gammalt hus med like gamle vindauge, bør du vera varsam med å byte ut desse med nye kopiar eller fabrikklaga vindauga. Ta eit kurs eller les på nett og vurder skadeomfanget nøye først, for du treng ikkje vera utdanna handverkar for å få gamle vindauge så gode som nye.

Vindauga er eit sentralt punkt å få fiksa, dersom huset er trekkfullt, fortel Simen Bie Malde i Ryfylkemuseet. Foto: Heidi Hjorteland Wigestrand

Bodskapen kjem frå Simen Bie Malde. Han er utdanna arkitekt og arbeider som bygningsvernrådgjevar ved Ryfylkemuseet. Han har fiksa fleire gamle vindauge etter kvart, og kan frå eiga erfaring forsikra om at dette ikkje er noka heksekunst. Men ein må vera litt tolmodig for arbeidet tek tid, påpeiker han. Ein må lika å arbeida med puttel som å skrapa vekk gammal måling og kitt.

– Det er også viktig å ikkje bruka for mykje makt, sidan det er litt skjøre ting ein arbeider med. Før ein set i gang med å fiksa eit vindauga, er det lurt å ha klart for seg kva du eigentleg treng gjera. Det er nemleg ikkje vits å gjera meir enn ein må, seier Simen Bie Malde.