Slik ser du VM på ferie

Søndag kveld kjem så å seie heile Norge til å stå stille. Klokka 22.00 møter herrelandslaget sjølvaste Brasil i åttedelsfinalen.

Samstundes står fellesferien på trappene. Mange nordmenn har kanskje bestilt utanlandsferien for lenge sidan og er i skrivande stund på veg ut i verda.

Og då er det naturleg at spørsmålet dukkar opp: Korleis får eg sett fotball-VM på ferie? 

RO!: Det kokte noko så grassat etter Norge sin seier mot Elfenbenkysten. Her har titusenvis av menneske vore på Slottet i Oslo for å ro litt. Foto: Eira Kråbøl / TV 2

Det er TV 2 og NRK som har rettigheitene til fotball-VM i Norge. NRK sender åttedelsfinalen mot Brasil. 

Men gjeld rettigheitane i utlandet også? Eller er det berre i enkelte land ein kan få sett VM-kampar med norske sendingar, programleiarar og kommentatorar?

Det skal du få svar på no.

TV 2 i utlandet

Alle som enten har TV 2 Play abonnement eller ein TV-pakke via sin TV-distributør, kan sjå VM på ferie i EU/EØS-området.

Det du treng er TV 2 Play-appen på mobil eller smartbrett, eller play.tv2.no i nettlesaren på datamaskina. Appen er tilgjengeleg både på iOS og Android.

Har du ein TV-leverandør/Har du TV-kanalar heime?

TV 2 Play er inkludert hjå dei fleste TV-leverandørar i Norge. Difor kan du logge inn på TV 2 Play med din konto hjå TV-leverandøren og sjå alt frå VM, heilt utan ekstra kostnad.

Innloggingsbildet vil sjå slik ut når du har lasta ned og opna TV 2 Play. 

Om du har TV 2-konto allereie, loggar du inn med den.

LOGGE INN MED TV-LEVERANDØREN: Du kan enten logge inn med TV 2-kontoen din eller med kontoen du har hjå TV-leverandøren din. Om du har ingen av delane, kan du opprette konto nedst. Foto: TV 2 Play

Har du ikkje TV 2 Play valt inn i TV-pakka di? 

Då kan du enkelt velje det inn hjå TV-leverandøren din. Les meir på hjelpesidene i TV 2 Play.

VEL DIN TV-LEVERANDØR: Slik ser det ut i TV 2 Play-appen når du skal logge inn med TV-leverandørkonto. Her er det berre å velje kven du har TV-abonnement hjå. Foto: TV 2

Vil du sjå på datamaskina?

Då kan du bruke TV 2 Play ved å gå til play.tv2.no i nettlesaren. Trykk på «logg inn» og kom i gang på same måte som over.

Du er ikkje på ferie i EU/EØS-land, men har reist enno lenger vekk:

TV 2 Play er diverre ikkje tilgjengeleg, heller ikkje med VPN. Det har med avgrensingar i rettigheiter å gjere.

Heldigvis er fotball-VM verdas største idrettsarrangement. Det er heilt sikkert ein bar, restaurant eller ein utestad som sender kampar. Eller på TV-en på hotellrommet.

Her får du meir hjelp til fotball-VM på reise.

På TV 2 Play kan du også sjå høgdepunkt, analysar, historiar og innhald frå heile turneringa:

FIFA fotball-VM

TV 2 Play

NRK i utlandet

Lise Storm Hansen er redaksjonssjef for NRK TV. 

Ho kan roe nervane til dei som har reist utanlands og er usikre på om dei får sett Brasil – Norge på norsk TV på søndag.

– For å sjå NRK TV i EU/EØS, må du logge deg på NRK TV og verifisere deg med norsk BankID. Då får du tilgang til alt innhald i NRK TV, seier Hansen.

Men som med TV 2 Play, fungerer ikkje dette i resten av verda på grunn av rettigheitsavgrensingar.

Når det gjeld radio kan ein høyre kampane i NRK Radio-appen, også i utlandet, direkte på kanalen NRK Sport.