Staten har inngått forlik med dei tidlegare kadett-studentane, opplyser advokat Christian Grahl-Madsen.
45 offiserar tok ut søksmål mot Staten ved Forsvarsdepartementet i 2023 med krav om kompensasjon for at krigsskuleutdanningane blei forlenga utover det som kom fram av utdanningskontraktane, og for at utdanninga ikkje kvalifiserte til den ingeniørgrada som offiserane meinte at dei hadde blitt lova.
Etter tre dagar hovudforhandling i Hordaland tingrett blei partane einige om rettsmekling på overtid.
Forliket inneber mellom anna at offiserane får etterbetalt lønn med 8,1 millionar kroner og at dei får lønna permisjon for å kunne fullføre kvalifiserande utdanning.
Saka har versert sidan 2021 og offiserane ser fram til å endeleg å kunne legge denne saka bak seg, seier Grahl-Madsen.
English (US)