Statsministeren svarar folket

Fredag kjem statsminister Jonas Gahr Støre i studio for å svare på spørsmål frå folket i Nyhetsmorgen.

Du kan sende inn dine spørsmål til statsministeren ved å logge på i NRK Radio. Søk opp Nyhetsmorgen, og trykk på «send inn»:

Spørsmåla som har kome inn før sending handlar blant anna om personleg økonomi, EU og EØS, krigen i Ukraina og straumpolitikk.

Urolege tider

Den siste tida har vore svært krevjande for regjeringa med stigande prisar på blant anna mat og drivstoff.

Dette har blant anna ført til at Senterpartiet braut budsjettavtalen rett før påske, og gjekk saman med Høgre og Framstegspartiet om å kutte i drivstoffavgiftene.

Dette førte til stor misnøye og krav om opprydding blant dei raudgrøne budsjettpartnarane.

Stigande prisar gjer også at Noregs Bank har varsla at det snart kan komme ei renteheving.

I tillegg pregar uro i verda med krigar og økonomisk berg-og-dal-bane både norsk og internasjonal politikk.