Takk, Bernander!

Vi ser ut til å ha akkurat dei same tankane og ideologiene for dei felles verdiene vi deler, og ynskjer å bevare både naturhistorien og kulturhistorien som mange stader bokstaveleg talt er bygd stein på stein her i Kristiansand, men som ligg som skjulte skatter i gamalskogene våre.

Åpen

Kan vi no stole på at du tek ansvar og tør å seie «nei» til fristelsen for lettvint økonomisk vinning og la seg rive med av kortsiktige trender, på bekostning av langsiktige goder for alle innbyggjarane?

Kan vi stole på at du seier «nei» til meir utbygging og forureining av gamalskog (med våtmark, bekkedrag og myrområder) og i hundremetersbeltet i kystsoner, og med det reviderer områdeplanene der naturkartlegging attpåtil har rapportert svært viktig natur, og det er mange uregistrerte kulturminner, med gamle stier og ferdselsårer i ei rik og lang natur- og kulturhistorie?

Spesielt viktige er områda med dei gamle, urørte edellauvskogene her på Sørlandet. Dei fins for det meste berre her, og kartlegging av naturen her har funne svært mange og store område av nasjonalt viktig bevaringsverdi. Og du er øvste konservator for dei alle her i Kristiansand, Bernander.

I tillegg tek du då ansvar for å redusere verknader av klimaendringane, for gamal skog og store myrområde lagrar og tek opp store mengder karbondioksid frå atmosfæra, med tilsvarande utslipp av dette når du tillét avskoging og tetting av myr.

Og du tek ansvar for å oppretthalde god fysisk og ikkje minst psykisk helse for befolkninga ved å la oss få ha den gamle naturen og kulturhistoria tilgjengeleg i nærområda våre.

Dette er jo óg forventa av Regjeringa at kommunane skal gjera i kvar einaste valgperiode (etter Nasjonale forventninger til regional og kommunal utbygging 2023 - 2027), så kom dei gjerne i forkjøpet, og la Kristiansand bli kommuna med nullvisjon for nedbygging av meir verdifull natur.

For sidan Kristiansand er kommuna som byggjer ned mest natur i landet vårt, og Noreg er det landet i Europa som byggjer ned mest natur per innbyggjar, så er det eit verkeleg stort forbetringspotensiale her.

Kan vi stole på at du seier «nei» til enda fleire dispensasjoner for å byggje ned gamle uregistrerte kulturminne i gamalskogane våre?

Kan vi stole på at du seier «nei» til nedbygging av viktig matjord?

Ved å revidere arealplaner der utbygging med kortsiktig økonomisk vinning øydelegg den viktigaste «institusjonen» vi har; gamal urørt natur med tilhøyrande kulturhistorie, tek du ansvar for byen vår, landet vårt og for framtida.

Vel møtt til neste aksjonsgruppemøte, vi har det i nabolaget ditt.