Lancet: Noreg større auke i forventa levealder enn andre land i Europa

NRK RETTAR: I ein tidlegare versjon av denne saka frå NTB stod det at Noreg er einaste av 20 land i Europa kor forventa levealder aukar. Det rette er at alle dei undersøkte landa har ein auke, men at auken er mindre i perioden 2011–2019 enn i 1990–2011 i alle landa bortsett frå Noreg. Saka vart oppdatert 21.02.25 klokka 08.50.

Studien er gjennomført i 20 vesteuropeiske land.

Den tek for seg forventa levealder ved fødsel mellom 1990 og 2021.

– Alle land i denne studien, bortsett frå Noreg, opplevde ein nedgang i auken av forventa levealder etter 2011, heiter det i studien, skriv The Lancet.

Nedgang før korona

Stillstanden i dei andre landa kom lenge før koronapandemien i 2020.

Trenden er den same i alle landa som har vorte undersøkt – med Noreg som det einaste unntaket.

Den største skilnaden finn ein på Dei britiske øyane med England øvst, etterfylgt av Nord-Irland, Wales og Skottland.

Dei siste tala frå Statistisk sentralbyrå (SSB) viser at forventa levealder i Noreg var 81,4 år for menn og 84,6 år for kvinner i 2023.