Sak mot fiskeriministeren etter NRK-avsløringar om krabbemilliardar

Leiar i kontrollkomiteen, Per-Willy Amundsen (Frp), seier kva dei vil ha svar på.

– Korleis er det mogleg at et system som forvaltar store verdiar, kan virke så tilfeldig i kven som får og kven som ikkje får kvotar.

Kvar og ein av kvotane er verdt 150 til 200 millionar kroner, ifølge NRKs opplysningar.

– Basert på dei oppslaga som ikkje minst NRK har hatt, ser tildelingane veldig rare ut med omsyn til kven som fikk og kven som ikkje fikk snøkrabbekvotar. Då er det all grunn til å sjå nærmare på om dette systemet er tilfeldig, eller om det kan dykk snakk om korrupsjon, seier Amundsen.

– Heilt openbert

Kontrollkomiteen opnar sak, betyr at det truleg blir ei open kontrollhøyring. Det blir også ei sak som blir lagd fram og debattert i Stortinget.

Målet var at kvotane skulle gå til fiskereiarar som hadde satsa tid og pengar på snøkrabbefiske.

Ove Trellevik i Høgre seier:

– Det er heilt openbert at nokre båtar har fått konsesjon som kanskje ikkje burde hatt det. Samstundes ser vi at nokre som ikkje har fått kvotar, som burde fått det.

Fiskebåtar som ikkje fiska

Også Raudt støttar ein kontrollsak.

– Dette er eit viktig spørsmål for kysten og alle som lever av råvarene i havet. Då er det viktig å få klårleik i kva som har skjedd, seier Hege Bae Nyholt.

NRKs undersøkingar av kven som fekk kvotane viser:

• Ein båt som er for utrygg til at han får forlate kaien fekk ein gratis snøkrabbekvote.
• Snøkrabbekvotar gjekk til fiskebåtar som ikkje fiska.
• Skipperen som fortalde om reiarlaget som sikra snøkrabbekvote med utstyr som ikkje var på båten.
• Reiarlaget sikra snøkrabbekvote med kvitteringar på eit fryseanlegg som eigentleg er til fisk.
• Myndigheitene kontrollerte ikkje opplysningar, mellom anna då dei gav kvote til ein rustholk frå Gran Canaria.

Til kontrollkomiteen og NRK har Næss forsvart tildelingane.