Statsminister Jonas Gahr Støre har i dag møtt statsministeren i Italia, Giorgia Meloni i Roma.
– Eg hadde ein grundig og god samtale med Meloni. Vi snakka blant anna om forholdet mellom Noreg og Italia, om situasjonen i Ukraina og Midt-Austen og om tollkrigen med USA, seier Støre til NRK.
Meloni skal seinare denne veka møte president Donald Trump i Washington D.C.
– Vi ønskjer ingen konflikt mellom USA og Europa. Dei europeiske landa er godt samsnakka om dette. USA bør forhandle seg fram til at tollsatsane skal ned mot null. Meloni er tydeleg på at det klimaet vi har no, prega av konflikt, er uheldig.
Støre opplyser også at den italienske næringsministeren kjem til Tromsø om få veker.
English (US)