Ein person er fråtatt førarkortet etter frontkollisjonen i Narvik tysdag ettermiddag. Det opplyser politiadvokat Trond Lakselvhaug til NRK onsdag føremiddag.
– Vi etterforskar saka. Det er jo ei alvorleg trafikkulykke der to personar blei flogne til sjukehus i luftambulanse, ein frå begge bilane.
Det var på E6 ved Forsatunellen i Narvik at to bilar frontkolliderte tirsdag.
Lakselvhaug forklarar at det framstår som ei møteulykke der den eine bilen har kome over i feil køyrebane og forårsaka kollisjonen.
– Vi har tatt beslag på førarkortet til han som kom over i feil køyrebane, fordi det å køyre over i feil køyrebane og frontkollidere ikkje er aktsam køyring.
Lakselvhaug seier at politiet ikkje mistenker køyring i ruspåverka tilstand.
Det var også ein hund i den eine bilen.
– Hunden blei så skada at han måtte bli avliven.
På spørsmål om skadeomfang til dei involverte personane viser politiet til UNN, som svarar at dei ikkje deler denne informasjonen.
English (US)