Fall for få freistingar

⚖️ – Eg er ein vippepinne, men velta rett veg, vedgår Rebecca.

Hadde det vore tikka masala på den hemmelege freistinga hadde ho tatt det, men det var berre eit kinderegg.

– Det kjem an på kven du omgåst. Er du med «big spenders» gjer du det same sjølv, heng du med sparsame folk vert du litt som dei, trur ho.

🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴

Billigare bobler heime

🍾🥂– Eg et for å overleve, men ikkje for å nyte maten, men eg drikk for å nyte livet, ler Rebecca.

Rebecca snusar på iskald prosecco fleire gonger, men som du kanskje har sett er det Johnny som brukar av gruppas pengar i den første baren.

– Eg følte eg kunne nyte den proseccoen på ein betre stad, fortel ho.

Forstanden fortalde henne også at å gå vidare på tur med promille ikkje var det luraste.

– Eg sleit allereie med å gå i jungelen, og tenkte at mine motoriske ferdigheiter ville bli dårlege av det glaset, seier ho.

Som ein sjølvutnemnt vippepinne blir ho lett påverka av gruppa.

– Eg fekk mykje ros frå laget og er ikkje van med å få ros for å vere atletisk eller sterk, så då følte eg meg skikkeleg stolt, fortel ho.

Tankane om å spare mest mogleg til ein ferie saman med mamma var også ein stor, indre motivasjon.

🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️🏖️

Pengane var motivasjonen

– Eg trur eg er ein person som har veldig tunnellsyn dersom eg først har bestemt meg for noko. For meg var det høg mental terskel for å gå med på noko som helst, fortel Ragnar.

Det var matfreistingane som var vanskelegast å seie nei til. Han blei matforgifta i Malaysia og kasta opp dei siste 48 timane før opptaket.

– Det er mange som elskar luksus. Eg vaks opp utan særleg god råd, derfor var pengane i seg sjølv ein stor motivasjon, fortel Ragnar.

Han kjøpte sin første bustad i november, ei leilegheit på Holmlia saman med ei venninne, og ville spare mest mogleg pengar til å betale ned på bustadlånet.

🏡🏡🏡🏡🏡🏡🏡🏡🏡🏡🏡🏡🏡🏡🏡🏡🏡🏡🏡🏡🏡🏡🏡

Mental førebuing

Ho samanliknar freistingane i jungelen med jobben som online coach. Ho hjelper blant anna andre å gå ned i vekt.

– Livet består av freistingar, men kva er viktigast? Skal du ta ei freisting no, eller nå det større målet? Dersom du vil noko nok, må du tenkje på det store målet og arbeide med å motstå freistingar for å nå det, eksemplifiserer ho.

For hennar del var ikkje ting så veldig freistande, og i likhet med Ragnar, var pengane i seg sjølv den største motivasjonen.

🥤🚿Det var lett å takke nei til dyr cola i jungelen ved å tenkje på at ho kunne ta ei mykje billegare heime. Jålete er ho heller ikkje, så dusj og deo lokka ikkje.

🫟🫟🫟🫟🫟🫟🫟🫟🫟🫟🫟🫟🫟🫟🫟🫟🫟🫟🫟🫟🫟🫟🫟

Livets første kebab-nei

Elias og Elises elleville eigenkontroll eignar seg kanskje for fleire.

– Kebaben ropte på meg, eg lovar. Eg kunne nesten høyre den synge namnet mitt. Eg sa nei, men eg skal lage meg ein kebab til 4500 kroner her heime som plaster på såret, fortel Elias.

Før innspelinga bestemte han seg. Elias ville heller sitje igjen med mest mogleg cash enn å falle for kebab, taco eller hotellseng.

Dusj og massasje kjendest som å få tilbod om ferie midt i militæret. Han ville som Elise heller lukte våt hund heile opphaldet enn å betale for ein dusj.

– Bønner og ris blir kulinarisk blasfemi etter nokre dagar, eg er utruleg glad i digg mat. Men eg melde meg på for å utfordre meg sjølv og tøye grenser, så eg stod imot, fortel Elias.

🌯🌮🍪Kebab og taco er éin ting, men for Elias var det verst å takke nei til bollane.

🏆– Det kjendest nesten som å vinne i OL då eg klarte å gå vekk frå dei. Eg har trent i mange år, gått på diettar og har eigentleg ikkje problem med å motstå mat. Eg gjekk ned 17 kilo på tre månader fordi eg skulle stille i fitness. Så eg åt éin kanelbolle frå BIT, sprakk og gjekk opp 13 kilo på 13 dagar. Så dei bollane var verre å seie nei til enn kebaben, avsluttar Elias.