Først blei han dømd for å valdta tenåringen – så «fridde» han

Den svært spesielle saka vart behandla av Søndre Østfold tingrett i førre månad.

Mannen i 30-åra var tiltalt for å ha forsøkt å påverka ei fornærma tenåringsjente i ei sak der han allereie var dømd.

Hausten 2024 vart han dømd til fem års fengsel i ein lagmannsrett ein heilt annan stad i landet. 

Valdtektsdom

Retten fann han skuldig i å ha hatt seksuell omgang med jenta i 2022, som då var under 14 år.

Det blir i norsk straffelov rekna som valdtekt. Mannen anka dommen til Høgsterett. 

Likevel lét han ikkje tenåringsjenta vera i fred.

Tilbydde ekteskap

Medan han venta på at Høgsterett skulle behandla anken hans, tok han kontakt med både den fornærma jenta og hennar mor over telefon.

Målet var å få jenta til å trekke valdtektsskuldingane mot han. 

Han meiner han er uskuldig dømd og at den seksuelle omgangen aldri skjedde fordi han forstod at ho var eit barn.

I tillegg til kontakt over telefon vart det til slutt arrangert møter både heime hjå tiltalte og tilslutt hjå ein advokat i Oslo i november 2025.

Der fekk jenta tilbod om «eit halvt kilo gull, 100.000 kroner og eit pro forma giftarmål med tiltalte».

16-åring i retten for drapsplaner: – Jeg søkte meg tidlig til den kriminelle verden

Avvist

– Fornærma har forklart at ho etter dette nekta å endre sin forklaring til politiet, fordi det ville vera feil, skriv tingretten om utfallet av møtet.

Mannen i 30-åra kom til Norge som flyktning frå Jordan i 2015. 

Han er gift frå før og har fleire barn.

Jenta er opphavleg frå eit anna land i Midtausten og kom til Noreg i 2018.

Til tingretten fortalde tiltalte at slike «utanrettslege forhandlingar med fornærma» er vanleg i landet jenta opphavleg er frå.

I retten meinte han at medhjelparen gjekk for langt i tilbodet, fordi han «hadde ikkje råd til det og syntest det var nedrig».

– Skuffa

Mannen sonar allereie valdtektsdommen frå 2024. Høgsterett avviste voldtektsanken hans.

No er han i tillegg dømd til 26 dagar fengsel for å forsøkt å påverka den fornærma jenta til å trekke valdtektssaka.

– I skjerpande retning legg retten vekt på fornærma sin unge alder, alvoret i den opphavlege straffesaka og at tiltalte og hans medhjelpar gjentekne gonger tok kontakt med fornærma og hennar mor og utsette dei for press.

Forsvarar Knut Ditlev-Simonsen seier hans klient «sjølvsagt er skuffa over å bli domfelt».

– Men han er glad for at han er trudd på at dei heile tida var ønska at kontakten mellom dei skulle vera lovleg, seier Ditlev-Simonsen og viser til at advokat vart kontakta.

Mannen seier han ikkje var klar over at slike forhandlingar bryt med norske rettsreglar.

Forsvararen viser til at retten omtalar uvitenheita til klienten hans som uaktsom.

Bistandsadvokaten til jenta ønskjer ikkje å kommentere saka.