Oljemåleriet «Stilleben med gitar» av Pablo Picasso har kome til rette igjen i Spania, melder The Guardian.
Biletet blei meldt sakna i førre veke etter at det blei frakta frå Madrid til ei utstilling i Granada.
Etter ei veke med etterforsking, har biletet kome til rette igjen.
Ifølge spansk politi har pakken med biletet truleg aldri blitt pakka inn i bilen som skulle frakte måleriet og fleire andre bilete til utstillinga.
Dei seier dei har opna pakken med måleriet, som no blir undersøkt.
Biletet er så lite at det kunne fått plass i ei handveske, og er verdsett til 600.000 euro, som svarar til om lag 7 millionar norske kroner.
English (US) ·