Fryktar ingen kjem tilbake: – Dei trur dei får eit betre liv i byen

Arbeiderpartiet

Arbeidarpartiet vil sikre at folk bur og arbeider over heile landet. Alle kommunar skal ha like god velferd. Statlege arbeidsplassar skal som oftast leggjast utanfor Oslo.

I Nord-Noreg skal innbyggjarane få rabatt på fly, og i Nord-Troms og Finnmark skal òg barnehagelærarar få mindre studiegjeld.

Byane skal få betre kollektivtilbod, fleire bustadar og hjelp til å jamne ut sosiale forskjellar.

Høyre

Høgre er oppteken av gode tenester og levande næringsliv over heile landet.

Høgre satsar på dei mindre byane og regionsentra. Dei vil sjå på om folk i Nord-Troms og Finnmark heller burde få meir i skattelette enn gratis barnehage og ferje.

Statlege arbeidsplassar skal ut av Oslo-området. Byane skal få byggje bustadar enklare og meir hjelp til sosiale utfordringar.

Venstre

Venstre vil ha offentlege tenester nær innbyggjarane. For å få fleire til å flytte til distrikta, skal òg barnehagelærarar og helsepersonell få sletta delar av studielånet.

Nye statlege arbeidsplassar skal som oftast leggjast utanfor Oslo-området.

Byane skal få grønare kollektivtransport og følgje opp område med sosiale utfordringar.

Sosialistisk Venstreparti

Sosialistisk Venstreparti vil at folk skal leve gode liv i bygd og by. Alle kommunar og fylke skal få meir pengar for å tilby gode tenester.

SV vil styrkje distrikta og motarbeide sentralisering av tenester. Fleire statlege arbeidsplassar skal flyttast.

I Nord-Troms og Finnmark skal barn få gratis kulturskule. Byane må få betre kollektivtilbod og støtte område med store levekårsutfordringar.

Kristeleg Folkeparti

Kristeleg Folkeparti vil at det skal vere mogleg å bu, arbeide og drive næringsliv og få eit godt velferdstilbod i by og bygd.

Det må vere gode vegar, mobildekning og breiband i heile landet. Byane skal få betre kollektivtrafikk og hjelp til å takle område med sosiale utfordringar.

Statlege arbeidsplassar skal ut av Oslo. Veterinærar som bur lenge i utkantstrok skal få delvis sletta studiegjeld.

Senterpartiet

Senterpartiet er oppteke av gode liv i by og bygd. Folkeveksten skal skje utanfor pressområde som Oslo.

I regjeringa har partiet fått til lågare barnehageprisar, ferje- og flyprisar, og sletting av studiegjeld i 189 kommunar.

Folk i Nord-Troms og Finnmark skal få meir skattelette. Fleire statlege arbeidsplassar skal ut av Oslo. Arbeidsgjevarar i distriktsbyar skal få lågare arbeidsgjevaravgift.

Framstegspartiet

Framstegspartiet er imot å blande seg inn i kvar folk skal bu.

Dei vil gi kommunar i byer og distrikt meir kontroll over skatteinntekter og naturressursar. Dei som støttar lokal næringsutvikling skal bli belønna.

Skule, barnehage og sjukeheim skal få pengar etter kor mange innbyggjarar det er. Kommunar må sjølve vurdere om dei greier å levere tenestene dei skal, eller om dei skal slå seg saman.

Miljøpartiet Dei Grøne

Miljøpartiet Dei Grøne er opptekne av godt kollektivtilbod, breiband, velferd, næringsliv og miljøvennlege jobbar i heile landet.

Det er særleg viktig for tryggleik og beredskap at folk vil bu, utdanne seg og arbeide i Nord-Noreg.

Fleire statlege arbeidsplassar skal leggast utanfor Oslo. Byane skal få hjelp til å løfte område med store levekårsutfordringar.

Raudt

Raudt er for å bygge opp distrikta og imot å sentralisere alt frå sjukehus til skular. Kommunar og fylke skal få meir pengar, særleg i distrikta, og lokalt næringsliv skal støttast.

Statlege arbeidsplassar skal flyttast ut i heile landet. Vi må satse i Nord-Noreg for å forhindre fråflytting, sikre norsk suverenitet og sikre berekraftig bruk av naturressursar.