Motiverer elevane med ein «tidsreise»: – Det er utruleg lærerikt og gøy

1 hour ago 3

Det er som om tida er skrudd tilbake i borggarden på Sandefjord vidaregåande skole ein fredag i januar 2026. Til 1912.

Scena er restauranten for 1. klasse-passasjerane på det staselege skipet RMS Titanic.

Tidspunktet er middag. Den aller siste servert om bord på skipet.

Avisforside fra 16. april 1912. Overskriften lyder "1600 mennesker druknet i Atlanterhavet. "Titanic" sunket.".

200 elevar har jobba lenge og hardt for å skape ein uforgløymeleg aftan for dei litt over 100 gjestene.

Dei har komme for å få sitt neste måltid, utan drama og is, men med ein smak av gammal stil og luksus.

Fleire linjer ved skolen er involverte. Restaurant og matfag, frisør, blomstrar, musikk, dans og drama, og marknadsføring.

Trur du slike store prosjekt gjer det morosamare å gå på skulen? 🤷🏻

Denne avstemningen viser ikke hva befolkningen mener om spørsmålet. Resultatet viser hva de som selv har valgt å stemme mener, og avstemningen har ikke et utvalg som gjør den representativ for alle som bor i landet.

Lillian Marie Akerholt-Verpe er servitør-elev ved skolen. Ho er strålande fornøgd med den praktiske erfaringa ho tar med seg frå prosjektet.

En kvinne med et hvitt forkle står i forgrunnen av en restaurant- eller arrangementssetting. I bakgrunnen er det en gruppe mennesker som sitter rundt bord, mens andre mingler. (Bildebeskrivelsen er laget av en KI-tjeneste)

– Her lærer vi korleis det faktisk er i eit selskap, seier ho.

Akerholt-Verpe fortel om verdifull praktisk læring, som kundeservice, skjenking, servering og ikkje minst korleis dei skal takle stress.

– Det er utruleg lærerikt og gøy å vere med på, seier servitør-eleven som meir enn gjerne ofrar ei helg for praktisk undervisning.

Stig Sægrov er kaptein for kvelden, til vanleg avdelingsleiar ved Sandefjord videregående skole. Er han ikkje veldig lik kaptein Edward J. Smith som førte Titanic på den skjebnesvangre jomfruturen?
Foto: Robert Hansen / NRK
Østers, den første retten av sju, servert på Sandefjord vgs den siste fredagen i januar.
Foto: Robert Hansen / NRK
Det var sjølvsagt også underhaldning til middagen på Titanic-kvelden. Og det var sjølvsagt elevar frå musikk, dans og drama-linje ved skolen som stod for den.
Foto: Robert Hansen / NRK
Hovudretten er servert, heilsteikt ytrefilét av lam, med poteter, erter, gulrotpuré og saus.
Foto: Robert Hansen / NRK
Både gjestane og servitør Fia Leona Faugstad ser ut som dei har kome ut av ei tidsmaskin, kledde som på tidleg 1900-talet.
Foto: Robert Hansen / NRK
Dessert må til, her er det Titanic Waldorf Pudding som blir servert.
Foto: Robert Hansen / NRK

Motivasjonen søkk

Motivasjonen for skolearbeid søkk drastisk gjennom skoleløpet, viser Ungdata-undersøkinga for 2025.

År etter år er trivselen høg, men skolestresset aukar og motivasjonen daler.

Mange elevar synest skolen er kjedeleg og lite relevant for livet dei skal leve.

80 prosent av dei spurde i undersøkinga svarer at dei kjedar seg på skolen.

Det prøver Sandefjord vidaregåande å gjere noko med.

– Vi starta med dette for å gi elevane noko anna enn vanleg klasseromsundervisning, seier prosjektleiar Hilde Hagen.

Bildet viser en kvinne i en mørk bluse som står foran flere personer i en svakt opplyst, blåtonet setting. Omgivelsene kan indikere en sosial sammenkomst, med folk som diskuterer og beveger seg rundt. (Bildebeskrivelsen er laget av en KI-tjeneste)

Ho seier det er mykje fråfall i yrkesfaga, når elevane blir lærlingar, nettopp fordi dei ikkje var klare over kva arbeidslivet krev.

– Prosjekt som dette gjer at elevane er tryggare på oppgåvene dei skal gjere når dei går ut i jobb. Det er god læring i trygge rammer, seier Hagen.

Andrina Goberg
Eg går sal, service og reiseliv. Her er det mest service. Det har vore veldig lærerikt og moro å gjere noko anna enn vanleg skole, og vi får jo mykje ut av det òg.
Tuva Auli Gjelstad
Det er veldig gøy å vere med på dette prosjektet. Eg har lært å førebu porsjonsservering til mange menneske. Pulsen har vore høg, men det har vore moro.