Ny EU-toll skaper rørsle i EU-spørsmålet

Annika Byrde / NTB

Arild Hermstad, MDG

Vi treng meir samarbeid, ikkje mindre. Det som skjedde denne veka kan vere begynninga på slutten for Noreg sin privilegerte status og innverknad i EU.

Europeisk Ungdom

Knut André Sande, nestleiar i Europabevegelsen

Noreg har lenge tatt for gitt at EØS-avtalen alltid vil sikre oss, men realiteten er at Noreg står utanfor EU. Dette er enda eit eksempel på at EØS-avtalen har avgrensingane sine samanlikna med EU-medlemskap. Spørsmålet er korleis vi best kan vareta norske interesser. Når dagens avtalar er utilstrekkelege er det ingen tvil om at Noreg treng ei tettare tilknyting til EU.

Ukjent

Eirik Løkke, Civita

Eg synest det er ei dårleg avgjerd frå EU, men det er knapt overraskande at EU-landa meiner det skal vere forskjell på medlemskap og ikkje-medlemskap. Om vi vil sikre likebehandling for norske bedrifter og delta i det europeiske samarbeidet, så bør vi bli medlem før heller enn seinare.

Ismail Burak Akkan / NRK

Guri Melby, Venstre

Når Senterpartiet vil at Noreg skal sette hardt mot hardt overfor EU, viser dei at dei ikkje har forstått stort av korleis internasjonal handel går i dag føre seg. Noreg er langt meir avhengig av både import frå og eksport til EU enn EU er av import frå og eksport til Noreg.

Aurora Ytreberg Meløe / NRK

Ine Eriksen Søreide, Høgre

Vi treng å søke mot dei fellesskapane, partnarskapane og alliansane som er viktige for norske interesser. Islendingane kan potensielt ha ei EU-avstemming i løpet av eitt år. Da står vi i ein heilt annan situasjon, med eit EØS-samarbeid som består av oss og Liechtenstein.

(Sitert i Aftenposten 6. november.)

Ksenia Novikova / n637485

Ole Erik Almlid, administrerande direktør i NHO

EØS-avtalen held fram med å vere avgjerande for norsk næringsliv, men situasjonen viser at han ikkje dekker alle tiltak. Når EU får eit større vernebehov for sin eigen marknad og industri, som resultat av den anstrengde internasjonale situasjonen, inneber det også større risiko for at Noreg blir ramma.

Oddmund Reisæter Haugen

Arnar Kvernevik (Ap), ordførar i Gloppen kommune

For Vestlandet og norsk industri er det viktigaste å få avklara konsekvensane, stå samla med næringa og leggje politisk press på EU-systemet for å få unntak eller avbøtande tiltak. Den demokratiske kontrollen vi har over eigen politikk er viktig for oss, og difor meiner eg det er rett å verne om EØS – og vidareutvikle det – framfor å skape eit inntrykk av at EU-medlemskap er den einaste løysinga.

William Jobling / NRK

Dag Inge Ulstein, leiar i KrF

Dette er ikkje tida for ein ny EU-debatt. No må vi heller slå ring om det EØS-avtalen faktisk gir oss. EØS-avtalen har i over 30 år sikra Noreg fri handel med EU, og den har tent oss godt. Noreg har framleis tilgang til den indre marknaden og det skal vi hegne om. Det er utruleg viktig.

Stian Lysberg Solum / NTB

Erling Sande, Senterpartiet

At EU innfører denne tollen viser kor lite Noreg har igjen for å innføre det eine meiningslause EU-direktivet etter det andre som pålegg norsk næringsliv og norske innbyggjarar kostnader og byråkrati. No må regjeringa stå opp for norske interesser og krevje at EU snur i denne saka eller innføre tiltak.

Frederik Ringnes / NTB

Einar Frogner, Nei til EU

Vi må sikre våre eigne interesser betre. Og det gjer vi best med ein lausare tilknyting til Brussel. Eit stikkord her kan vere å ta tilbake politisk kontroll over krafta på ein måte som sikrar at vi framleis kan eksportere kraft utan å på same tid importere dei høge straumprisane vi har gjort dei siste åra. Altså sikre det konkurransefortrinnet som ligg i føreseielege og låge straumprisar.

Frida Wattne Lindland / NRK

Magnus Marsdal, Manifest Media

No må regjeringa vareta omsynet til norske arbeidsplassar. Det er det nemleg inga anna regjering som gjer. Eit nærliggande grep er å sørge for at bedriftene som blir ramma får tilgang til langsiktige kontraktar på norsk vasskraft til norske prisar. Det kan utlikne EUs tollangrep. Slike kontraktar er fullt moglege. Regjeringa kan, viss regjeringa vil.