Ønsketre gav nær 300 gåver til barn før jul: – Heilt overveldande

– Vi vil redusere forskjellane i samfunnet. Med ønsketreet håper vi at fleire barn kan kome tilbake etter juleferien og fortelje om ting dei har fått til jul som dei har ønskt seg, fortel Maria Hovde, seniorrådgjevar i Bodø Røde Kors.

Gjennom store delar av desember sto det eit juletre på et kjøpesenter. På greinene hang det hjarte.

På det eine hjartet sto det:

På eit anna sto det:

Kundar på kjøpesenteret kunne så trekkje eit hjarte, og kjøpe inn noko av det som sto på lappen.

– Barna får oppfylt eit konkret julegåveønske som foreldra elles ikkje ville hatt høve til å kjøpe. Nødvendigheiter som vinterklede og sko av god kvalitet er kostbart, seier Hovde.

– Responsen frå publikum har vore heilt overveldande, og givargleda har vore stor. Vi fikk inn totalt 278 gåver, fortel Hovde.

Dette ønska barna seg

Behova er tydelege: Dei fleste ønsker seg nødvendigheiter som vinterklede og gode sko. Dei minste vil ha leiker, medan parfyme er ein favoritt blant ungdommane.

– Når eg sit på kontoret og folk kjem for å hente gåver, så føler eg at eg bidreg på ein god måte til nokon som faktisk treng det, fortel Siri Hammerfjeld.

Ho har jobba på spreng for å sikre at gåvene kjem fram til rett barn før jul.

– Du ser det på gåvene at folk har lagt ned tid og omtanke. Nokon har innfridd fleire ønskje, og nokon har lagt ved personlege kort, Det er rørande, seier ho.

I 2023 var det levde nesten 100.000, eller om lag eit av ti, norske barn i såkalla låginntektsfamiliar, syner tal frå Statistisk sentralbyrå.

Ferske tal frå Frelsesarmeens fattigdomsbarometer viser at ein av fem fryktar at dei ikkje har råd til julefeiringa i år. men det er mange som vil hjelpe.

Som Sara frå Bryne:

Og fleire stader i Noreg har dei store kjøpesentera hatt liknande aksjonar for å sørge for at dei som ikkje har så mykje, også får ein gove til jul.

Nærare 20 år med fysiske gåver

I Tromsø har Jekta Storsenter i nærare 20 år hatt eit samarbeid med Kirkens Bymisjon, og for mange har dette blitt ein fast førjulstradisjon i byen.

– Erfaringane tyder på at det er stor givarglede – det «bognar over» av julegåver under treet kvart år, fortel Laila Myrvang, senterleiar på Jekta Storsenter.

Jekta set årleg fram eit gåvetre før jul. Her kan befolkninga i byen legge gåver eller gåvekort og legge under treet. Kirkens Bymisjon organiserer utdeling av esker med mat og gåver til familiar i Tromsø.

Behovet er stort. I fjor fekk 695 personar i Tromsø mat og julegåver via Kirkens Bymisjon. Av desse var 369 barn under 18 år.

Myrvang understrekar at senteret ønsker å vere ein «arena for givarglede» og gi barn moglegheita til å «kjenne seg som alle andre barn – også til jul».

Juletreet pyntast med måltid

På Lagunen i Bergen er julegryta til Frelsesarmeen eit fast innslag. Senterleiar Tone Havneraas fortel at dei i tillegg tek initiativ til ønsketre eller gåveinnsamling.

Senteret ønsker å støtte ulike aktørar, og for jula 2025 er dette Kirkens Bymisjon og oppfordringa deira til å gi måltid til jul.

– Juletreet blir pynta ved at kundar og butikktilsette tar ein julelapp, vipsar 120 kronar for to måltid og heng ein julelapp på treet, forklarer Havneraas.

Havneraas trekker fram samfunnsansvaret til senteret ved å vere ein arena for givarglede og for å synleggjere engasjement for eit meir inkluderande samfunn.

Ønsketreet på City Nord blei tatt ned 8. desember. No som ønsketreet er teke ned og pakkene er sorterte, er gåvene i ferd med å finne vegen fram til rett eigar.

– Eg synest det er utruleg fint å sjå at dei som kanskje har nok sjølv, er med på å bidra til at dei som har mindre òg kan få ei fin jul, seier Maria Hovde.