Overnattingsbedriftene i Nordland hadde ein vekst på 5 prosent i totaltrafikken i oktober 2025 samanlikna med oktober 2024, opplyser NHO i ei pressemelding.
Utanlandske overnattingar steig med heile 15 prosent, mens norske overnattingar gjekk opp med 1 prosent. Losjiomsetninga i fylket auka med 2 prosent.
– Det er vekst i totaltrafikken i heile landsdelen, med unntak av Finnmark som er på same nivå som førre år, og Svalbard som har ein nedgang.
Det seier Lars Fredrik Martinussen, fungerande regiondirektør i NHO Nordland.
Han peikar på at reiselivsnæringa bidreg til arbeidsplassar, verdiskaping og levande lokalsamfunn, og at veksten krev betre flytilbod og kollektivløysingar som fungerer både for innbyggjarar og besøkande.
– Tala for oktober stadfester at reiselivet er i ferd med å feste seg som ein stabil, heilårleg næring i nord.
English (US)